BUlan bandung panineungan

Lagu: Mang Koko
Rumpaka : Wahyu Wibisana

Mun sareupna geus mimiti
Katémbong nyimbutan Bandung
Angin Lémbang turun laun, ngabubuhan
Langit mayung bulan beukah
Mangkat hiji lagu
Kedaling katineung ati, aduh

Mun karéta pangahirna
Geus anjog ka Kota Bandung
Sinyal beureum malang deui, ngahalangan
Kota hurung béntang mijah
Ngaleu hiji lagu
Kedaling kasmaran pikir, aduh

Haréwos peuting marengan hiji lamunan
Bulan di langit Bandung nyaangan
Ngagenténan paneuteupna pangimplengan
Langit isuk angger biru, nya eulis
Duh angger biru

Hariring peuting pamirig hiji impian
Bulan di langit Bandung nyaksian
Wawakil ti pameunteuna panineungan
Kembang mawar angger beureum, nya eulis
Duh angger beureum

Mun radio geus karungu
Nembangkeun lagu pamungkas
Mirig sora ancad halon, pileuleuyan
Peuting cicing, kota jempling
Jerit hiji lagu
Kedaling kakeueung haté, deudeuh

Mun balébat gagatrina
Geus hibar wétaneun Bandung
Angin nonggoh lalaunan muru Lémbang
Bulan surup langit biru
Tamat hiji lagu
Harepan tembong ngalangkang, aduh

SERAT SALIRA

Serat salira, wengi tadi tos katampi
kantenan jungjunan, kantenan mungguh éwuhna
disangki serat katresna, sabudeureun cinta urang
geuningan lepat dugaan, mundut mundur pipisahan

Serat salira dina jajaran kalima
unggelna teu wasa, mun kedah midua haté
teu sapuk sareng aturan, sok sieun teu kabadanan
cangcaya moal laksana, mendak bagja sasarengan

Teu nanaon jungjunan, teu nanaon
mun kitu kapalay salira
lelembutan ngajerit nungkupan diri
teungteuingeun téga téh kamalinaan

Nu munggaran urang tepung luhur panggung
sutra genas nu nyacas kiwari kantun ngahelas
imut-imut nu kamari, teuteup surti nu kamari

Ayeuna duka kumaha, pajar urang pileuleuyan

Kamalinaan

Rebun-rebun poe senen bulan mulud,hujan ngaririncik ti kamari sore nepi ka kiwari can wae raat. mun seug teu ras kana beuteung mah da hayang ngaringkuk we di Enggon atawa ngadon ngalengkur siduru hareupeun hawu bari meuleum sampeu sesa kamari.tapi da dalah di kumaha keun atuh sawah nu keur meujeuhna pencugeun mun teu ngeureuyeuh mah bet moal manggih anggeus.tap kana dudukuy nu nyelap dina palapon,di haja di unun ngarah garing urut kamari huhujanan ngala suluh di pipir gunung.sajongjongan mah kuring ngahuleng heula bari mulak-malik dudukuy lepet gambar golkar nu geus teu puguh rupa,beuki lila beuki karasa tiris nyelekit na biwir pipi.ahh dari pada loba ngahuleng mending buru-buru indit bisi kaburu beurang manten barina ge panon poe moal waka nembongan da puguh kahalangan ku mega hideung di pucuk gunung.geus ngarasa tarapti jung nangtung bari ngawani-wani maneh turun kaburuan satengah lumpat kana dapuran tangkal cau,aya pongol cau nu rada rubak lumayan keur pi payungeun ngarah teu baseuh teuing.rada lumpat leumpang teh muru ka belah wetan ka pasawahan nu bru bro arurug ku hujan mimiti.najan hujan terus ngecrek kuring hantem we mencug bari teu sabar ngadagoan lohor.asa geus kesel pisan da digawe teh tapi adan can wae ngong,bubuh di kampung harita kuring teu boga arloji-arloji acan.padahal mun seug boga arloji mah moal bet susah kieu ngadagoan adzan lohor,, geus teu kuat kabulusan bari beuteung kukurubukan kuring maksakeun bae eureun bari meresihan pacul, ceuk pikir da geus nincak kana waktu lohor kuring rek balik wae geus teu kuat lapar bari kabulusan,sigana mun siduru mah ngeunah pisan jiga tadi isuk-isuk, najan tuur rada nyorongcod ge kuring buru-buru leumpang satengah lumpat,sieun kapaehan manten,,,, na ari srog nepi ka buruan,kuring tuang toong rek ninggali jam, duh kacida pisan reuwasna kuring sabab geus ampir jam genep sore moal lila ge Maghrib,,, duh kamalinaan….

Lamunan

Tuh diditu di tungtung gunung pang luhurnna

anjeun ngagero dareuda

marengan rebun nu juuh ku ci ibun

rek tumamprak tumarima

Aya harepan nu ngambang na lamunan

Aya kamelang nu ngalangkang dina impian

mun pareng poe datang

anjeun oge datang nembongan

tuh diditu di tengah langit jomantara

Anjeun imut ngagupayan

mapatkeun jampe pangharepan

nu ampir laas kahujanan

tu diditu di tungtung langit pang luhurna

anjeung anteng ngariceupan

rek miang hamo pamitan

ninggalkeun mangsa nu angger na lamunan

teu puguh judul

tadi wengi teh teu ngahaja muter-muter gelombang radio, da tos asa bararosen lalajo wae tipi nu acarana kitu-kitu keneh, komo mun ninggali si ruben jeung nona igun mah asa barieukeun pisan. katambah ku berita nu jarang pisan aya pikabungaheun nana. nu aya ngan riweuh we jeung riweuh.teu sawatara lila aya gelombang nu pikabungaheun. naon sababna??/sabab meni rame suka seuri lir nu bagja pisan, sing horeng teh Kencana FM anu nyiarkeun bobodoran “si cepot nyandung”da eta we meni awot pisan si ijem jeung sora na anu cempreng, bakat ku pikaseurieun da nepi ka nyeri kulit beuteung.ha ha ha nuhun ah ceu ijem……sing kenging caroge anu bageur tong siga kang cepot nya…..

wilujeng enjing

wah beuki dieu dunya beuki aheng, lain mung ukur masalah tuangeun, malih politik oge keur meujeuh na hibar, komo kamari tos di ayakeun pamilihan gubernur, di susul ku pamilihan pamingpin lain na, nu pasti mah keur aheng weh, teuing bakal kumaha nasib urang salaku rahayat leutik, asa pondok pangharepan mun nyawang pikahareupeun teh, ari ras ku kiwari